नेपालका भूपेन्द्र गुरुङले अमेरिकामा जिते रजत

नेपालका भूपेन्द्र गुरुङले अमेरिकामा १५ औँ गोल्डेन ड्रागन च्याम्पियनसिपमा रजत जितेका छन्। भूपेन्द्रले २ स्पर्धामा २ रजत जितेका हुन्। भूपेन्द्रले ३६ वर्षमाथि उमेरसमूहमा ताइची र ट्रेडिसनल चाइनिज फम्समा प्रतिस्पर्धा गरेका थिए।

प्रतियोगितामा विभिन्न ३० राष्ट्रका २ सय ५० भन्दा बढी खेलाडीको सहभागिता रहेको बताइएको छ। भूपेन्द्रको यो पाँचौं अन्तर्राष्ट्रिय पदक हो। यसअघि उनले विभिन्न ३ अन्तर्राष्ट्रिय प्रतियोगितामा ३ स्वर्ण पदक जितेका छन्। उनले सन् २०१८ मा जर्मनीमा भएको विश्व च्याम्पियनसिप, सन् २०१९ मा थाइल्यान्डमा भएको सातौं विश्व कुङफु च्याम्पियनसिप र सन् २०२२ मा युकेमा भएको युरोपियन च्याम्पियनसिपमा स्वर्ण जितेका थिए।

उनले सन् २०२२ मा भारतको लखनउमा भएको १४ औँ राष्ट्रिय कुङफु च्याम्पियनसिपमा निर्णायकको भूमिका पनि निर्वाह गरेका थिए।