अदालतकाे आदेश : पाटन क्याम्पसमा स्ववियु निर्वाचन गर्न

काठमाडौं चैत २५ । पाटन क्याम्पसमा तत्काल स्वतन्त्र विद्यार्थी युनियन (स्ववियु) निर्वाचन गर्न उच्च अदालत पाटनले आदेश दिएको छ।  अनेरास्ववियुका सभापतिका उम्मेदवार तिलकबहादुर कुमालले दायर गरेको रिटमा न्यायाधीश टंकप्रसाद गुरुङ र डिल्लीरन्त श्रेष्ठको संयुक्त इजलाशले तत्काल निर्वाचन गर्न आदेश आदेश दिएको हो ।

चैत १६ को सूचना कार्यान्वयन नगर्न तथा तत्काल स्ववियु निर्वाचन गर्न आदेश दिएको हो । चैत ५ मा १०० मत खसेपछि विद्यार्थी संगठनहरूले निर्वाचन विथाेलेका थिए ।

त्रिविकाे निर्देशन अनुसार १५ दिनभित्र निर्वाचनसम्बन्धि प्रकृया अगाडि बढाएकाे देखिएकाे भन्दै यथासिघ्र गर्न भनेकाे हाे ।  उच्च अदालतले क्याम्पसको चैत १६ मा प्रकाशित निर्वाचन स्थगत सम्बन्धी सूचनामा निर्वाचत स्थगित गर्नुपर्नेसम्मको वस्तुनिष्ट आधार र कारण नखुलेको अदालतकाे आदेशमा उल्लेख छ।