रवि लामिछानेको मुद्दा फिर्ता निर्णयविरुद्धको रिटमा आज सर्वोच्चमा सुनुवाइ

काठमाडौं । रवि लामिछाने विरुद्धको मुद्दा फिर्ता लिने निर्णयविरुद्ध दायर रिट निवेदनमाथि आज सर्वोच्च अदालत मा सुनुवाइ हुँदैछ।

उक्त रिटको सुनुवाइ न्यायाधीशद्वय शारङ्गा सुवेदी र सुनिलकुमार पोखरेल को संयुक्त इजलासमा तोकिएको छ।

यसअघि फागुन २७ गते न्यायाधीश सपना प्रधान मल्ल र श्रीकान्त पौडेल को इजलासले पूर्ण सुनुवाइका लागि आजका लागि पेसी तोक्ने आदेश दिएको थियो।

महान्यायाधिवक्ता सविता भण्डारी ले गत पुस ३० गते लामिछानेमाथि अदालतमा विचाराधीन सहकारी र सम्पत्ति शुद्धीकरणसम्बन्धी मुद्दा संशोधनसहित फिर्ता लिने निर्णय गरेकी थिइन्।

सो निर्णयविरुद्ध वरिष्ठ अधिवक्ता दिनेश त्रिपाठी र युवराज सफल सहितका कानुन व्यवसायीले सर्वोच्च अदालतमा रिट दायर गरेका हुन्।

रिटमा उठाइएका विषय तत्काल किनारा लाग्नुपर्ने प्रकृतिको भन्दै अदालतले पूर्ण सुनुवाइका लागि पेसी तोकेको हो।